Cinnirí & Ardchinnirí – Ceannaireacht i gColáiste Ráithín
I gColáiste Ráithín, tá ról lárnach ag na Cinnirí i gcruthú atmaisféar scoile atá dearfach, measúil agus bríomhar. Roghnaítear ár gCinnirí de bharr a gcuid scileanna ceannaireachta, a ndílseacht don scoil agus a dtoilteanas a bheith mar dhea-shampla do dhaltaí eile. Cothaíonn siad úsáid na Gaeilge, seasann siad do luachanna agus éiteas na scoile agus cuidíonn siad le spiorad phobal na scoile a neartú.
Cuidíonn na Cinnirí le raon leathan gníomhaíochtaí i rith na bliana – imeachtaí scoile, laethanta oscailte, maoirseacht ar an leabharlann, cruinnithe tuismitheoirí agus cúram ginearálta na scoile. Tacaíonn siad le scoláirí níos óige mar aon le comhoibriú le foireann na scoile agus iad i gcónaí dílis do theanga cumarsáide na scoile, an Ghaeilge.
Ag tús na cúigiú bliana, tugtar cuireadh do dhaltaí iarratas a dhéanamh. Déanann coiste múinteoirí na hiarratais a scrúdú, cuirtear rannpháirtíocht an dalta i saol na scoile agus a thaifead iompair san áireamh. As an ngrúpa seo, ag tús na séú bliana, roghnaítear na hArdchinnirí – Ardchinnire na mbuachaillí agus Ardchinnire na gcailíní. Is iad seo ionadaithe oifigiúla na scoláirí agus gníomhaíonn siad mar ambasadóirí na scoile ag ócáidí éagsúla.Cuireann an córas Cinnirí ar chumas scoláirí scileanna ceannaireachta agus cumarsáide a fhorbairt, cur go dearfach le saol na scoile, agus saol an phobail a shaibhriú de réir mana na scoile; “Ad Totam Personam”.
Ardchinnirí - Bl6
- Luke Cotter
- Abaigael Ní Nualláin
Cinnirí - Bl5
- Alice Megannety
- Lauryn Traynor
- Ella Ní Fhiannachta
- Meadbh Kirschner
- Sebastian Godfrey
- Eoin Mac Aodhagáin
- Maria de Róiste
- Baylee Aremu
